“АДУУЧДЫН БАЯР-2013”

     "Адуучдын баяр-2013" аялал жуулчлалын өдөрлөг 2013 оны 07-р сарын 26 ны өдөр Өвөрхангай аймгийн Арвайхээр хотоос баруун тийш 18 км зайд байрлах Монгол Түмний Морины Их Шүтээн цогцолборт зохион байгуулагдана.

ХОЛБОО БАРИХ:
Гар утас: 99069306, 99052538
И-Мэйл: uvurkhangaitourism@gmail.com, magnai_0612@yahoo.com

“САРЛАГ ФЕСТИВАЛЬ-2013”

   Сарлаг фестиваль аялал жуулчлалын арга хэмжээ Өвөрхангай аймгийн Бат-Өлзий сумын нутаг дахь Улаан-Цутгалангийн хүрхрээгээс баруун хойш 8 км-т Өндөр-Хясаа хэмээх газар жил бүрийн 07 дугаар сарын 23 нд зохион байгуулагдана.

ХОЛБОО БАРИХ:

Гар утас: 99069306; 99088605
И-Мэйл: uvurkhangaitourism@gmail.com,  magnai_0612@yahoo.com

ӨВӨРХАНГАЙ АЙМАГ
     Өвөрхангай аймаг бол Монгол Алтайн нуруу, дэлхийн цэвэр усны нэг хагалбар Хангайн уулсын зүүн төгсгөлд Монгол Улсын төв хэсэгт оршдог, уламжлалт мал аж ахуйгаа хадгалан хөгжүүлж ирсэн дан халх үндэстнээс бүрдсэн, хангай, хээр тал, говь хосолсон, баян танасаг, өгөөмөр сайхан нутаг билээ. Төв Азид хүн анх суурьшсан ул мөр бүхий Шаазан толгой, Арц Богдын суурин дархны газар, Хархорин сум орчмын Мойлтын ам, Орхон -7 палеолитын буудал-дарханы газар зэрэг бууц суурин, Монголд төдийгүй дэлхийд ховор арслан зааны дүрс зураг бүхий Буга согоотын уул, гурвалсан морин тэрэг бүхий сүг зурагтай Богд сумын Тэвшийн уулын хадны зураг зэрэг эртний хүний амьдран сууж, аж төрж, өсч хөгжсөн дэлхийн хүн төрөлхтний удмын сангийн үүслийн нэгэн төв түүхт газар нутаг бөлгөө. Алтай, хангайн завсар, Орхон, Онги, Таац голын сав энэ л нутагт 2220 жилийн тэртээх Хүннү гүрнээс эхлээд монгол үндэстний үе үеийн улс, гүрний хаад ноёдын өргөө гэр, орд харш, нийслэл, хотуудаас авахуулаад Монголын эзэнт гүрний нийслэл Харахорум хот, Халхын бурханы шашны төв Эрдэнэ Зуу хийд, Баруун хүрээ байгуулагдсан түүхт Орхоны хөндий, Шанх, Хубилай хааны "Сүрийг бадруулагч" цэргийн хот, дурсгалын пайлуур байсан Хөгшин Тээл, өнөөгийн Монгол улсын нийслэл Улаанбаатар хотын гал голомт Шар бүсийн хот байгуулагдсан Их Монгол уулын өвөр Ширээ цагаан нуур, Монголын төр, нийгэм, соёлын нэрт зүтгэлтэн, соён гэгээрүүлэгч, дэлхийн сонгодог бүтээлд орох бүтээл туурвисан уран барималч, уран зураач, их номч Халхын анхдугаар богд Өндөр гэгээн Г.Занабазарын мэлмий гийсэн Есөн зүйлийн хөндий, тэрбээр алдарт бүтээл Соёмбо үсэг, Ногоон Дарь эх бурхан, алдарт айлтгал Жанлав цогзлоо бүтээн туурвисан Төвхан хийд орших Шивээ улаан уул зэрэг энергийн төв, ариун тагшин газруудтай билээ. Өнөөгийн Монгол Улсын төв цэг Бүрд сумын нутаг Сант уулын өвөр Өвөр хөшөөтийн булагт тохирч байгаа нь ч нэгийг өгүүлж байна. 1930 онд хуралдсан МАХН-ын VIII, Улсын VI их хурлуудын шийдвэрийн дагуу 13 аймгийг байгуулах болжээ. Улсын бага хурлын тэргүүлэгчдийн 1931 оны II сарын 7-ны өдрийн 5 дугаар хурлын тогтоолоор 1931 оны 2 дугаар сарын 18-ны өдрөөр тасалбар болгон Цэцэрлэг мандал аймгийг татан буулгаж Өвөрхангай аймгийг эмхлэн байгуулан аймгийн захиргааны эхлэл болох түр хороог батлан, аймгийн яамны даргаар Г.Ёндонг томилсон байна.

"ӨВӨРХАНГАЙ АЙМАГ" цааш унших »
Өвөрхангай аймгийн аялал жуулчлалын холбоо

ӨВӨРХАНГАЙ АЙМГИЙН "ДЭЛХИЙН-ӨВ ОРХОН ГОЛЫН НҮҮДЭЛЧИД"
АЯЛАЛ ЖУУЛЧЛАЛЫН ХОЛБОО

    "Дэлхийн-Өв Орхон голын нүүдэлчид" аялал жуулчлалын холбоо нь Өвөрхангай аймгийн аялал жуулчлал эрхлэгчдийн зөвлөлийн 2010 оны 09 сарын 17-ны өдрийн уулзалт хуралд оролцсон гишүүдээс санаачлан байгуулсан холбоо юм.
Холбооны эрхэм зорилго:
     
Өвөрхангай аймгийн нутаг дэвсгэрт аялал жуулчлалын салбарыг Дэлхийн өвийн шаардлагад нийцүүлэн хөгжүүлэхэд төр, хувийн хэвшил, иргэдийн оролцооны түншлэлийг бий болгох.
Үйл ажиллагааны үндсэн чиглэл:

  • Төр, хувийн хэвшил, олон нийтийн байгууллагуудтай хамтран ажиллаж, аймаг сумын хэмжээнд бодлого боловсруулахад идэвхтэй оролцох. 
  • Өөрийн гишүүдээ мэдээллээр тогтмол хангах
  • Салбарын хэмжээнд тулгараад буй асуудлыг шийдвэрлэх зорилгоор уулзалт, ярилцлагыг зохион байгуулна.
  • Өөрийн гишүүддээ сургалт, семинар, хэлэлцүүлэг зохион байгуулах, холбогдох материал, гарын авлагаар хангах.
  • Аялал жуулчлалын салбарт үйл ажиллагаа явуулж буй хувийн хэвшил, иргэдэд өөр хоорондоо харилцан, хамтран ажиллах бололцоо олгосон үйл ажиллагаа явуулна.
  • Гишүүдийн үйл ажиллагааг хэвлэл мэдээлэл, интернет болон мэдээллийн бусад сувгаар сурталчлах.
  • Гишүүд хоорондын үйл ажиллагааны нэгдлийг хангах элгэмсэг орчинг буй болгоход бүх талын дэмжлэг үзүүлэх
  • Гишүүдийн эрх ашгийг хамгаалах
  • Ижил төстэй үйл ажиллагаа явуулж буй гадаад, дотоодын байгууллагуудтай хамтын ажиллагааг бэхжүүлэх
  • Гишүүнчлэл: Манай холбоонд Өвөрхангай аймагт аялал жуулчлалын чиглэлээр үйл ажиллагаа явуулж байгаа албан байгуулага, аж ахуйн нэгж, хувь хүмүүс гишүүнээр элсэн хамтран ажиллахад бид бүхэн таатай байх болно.

    http://www.youtube.com/watch?v=-EJXLW1gFB0&feature=BFa&list=HL1352257648
    http://www.youtube.com/watch?v=EWSZzudSTb8&feature=BFa&list=HL1352257648


    Холбоо барих: И-мэйл: uvurkhangai_tourism@yahoo.com Утас: 99058710, 99069306
Байгалийн онцлог
    ОХБЦГ-ын нутаг нь Монгол орны физик газар зүйн мужлалаар /Цэвэгмид -1969/ Хангай Хэнтийн уулархаг их мужийн Хангай мужид хамаарагдах бөгөөд өнөөгийн шинэчилсэн схемээр Хангайн уулт их муж, Хангайн өндөр уулын муж, Дорнод Хангайн дэд мужид хамаарна. Гадаргын хувьд Орхон-Сэлэнгийн савын бэсрэг уулс, Орхон голын өргөн хөндий гэсэн хоёр хэлбэрээс тогтдог бөгөөд зонхилох хэсгийг бэсрэг уулс, намхавтар гүвээ, жижиг толгодын зэрэгцээ Орхон гол түүнд цутгасан жижиг салбар голууд болон уулс хоорондын ам, өргөн, нарийн хоолой хөндий тэгш тал эзэлнэ. үргэлжлэл бий

"Байгалийн онцлог" цааш унших »
ОРХОНЫ ХӨНДИЙН СОЁЛЫН ДУРСГАЛТ ГАЗРЫГ ДЭЛХИЙН ӨВД БҮРТГЭСЭН ҮНДЭСЛЭЛ
ДЭЛХИЙН ӨВ - ОРХОНЫ ХӨНДИЙН СОЁЛЫН ДУРСГАЛТ ГАЗРЫГ
ДЭЛХИЙН ӨВД БҮРТГЭСЭН ҮНДЭСЛЭЛ      Дэлхийн Өвийн хороо 2004 онд "ДӨ-ОХСДГ "-ыг нийт хүн төрөлхтний тусын тулд өвлүүлэн үлдээж, хадгалан хамгаалах шаардлагатай соёлын хосгүй хийгээд түгээмэл ач холбогдолтой үнэт өв болохыг нотлож, Дэлхийн Өвд бүртгэж авсан.
ДЭЛХИЙН ӨВ-ОХСДГ НЬ:
"Дэлхийн соёлын болон байгалийн өвийг хамгаалах тухай" конвенцийн дараахь үндсэн гурван шалгуурыг хангаж байгаа болно. Тухайлбал:  үргэлжлэл бий

"ОРХОНЫ ХӨНДИЙН СОЁЛЫН ДУРСГАЛТ ГАЗРЫГ ДЭЛХИЙН ӨВД БҮРТГЭСЭН ҮНДЭСЛЭЛ" цааш унших »
Орхоны хөндийн байгалийн цогцолборт газар
      Монгол орны хангай нурууны төгсгөл хэсэгт орших Орхоны хөндийн байгалийн цогцолборт газрыг 2006 онд УИХ-ын 26 дугаар тогтоолоор хилийн цэсийг нь батлаж, БОсайдын 2006 оны 07 сарын 24 өдрийн 238 тоот тушаалаар ОХБЦГ-ын хамгаалалтын захиргааг байгуулсан юм. ОХБЦГазар нь ховор ам амьтан ургамлын ховордсон зүйлийн амьдрах орчин тархац бүхий нутаг болохоос гадна үзэсгэлэнт байгаль, газар зүйн хосгүй тогтоц бүхий Хүйсийн 8 нуур, Орхоны улаан цутгалан зэрэг байгалийн үзэсгэлэнт газар, Өндөр гэгээн Занабазрын байгуулсан Төвхөн хийд, мөн түүхийн тодорхой цаг хугацаанд Монголын болоод Азийн нүүдэлчин түмний соёл, нийгэм, улс төр, эдийн засгийн томоохон төв болж байсан Эрдэнэ Зуу хийд зэрэг хамаарна. 2003 онд ЮНЕСКО -ийн Дэлхийн өвийн хорооноос Соёлын дурсгалт газраар бүртгэн авч дэлхий дахины болон Азийн түүхийн чухал үеүүдийн гэрч нотолгоо, хүн төрөлхөтний үнэт зүйлс хэрхэн харилцан шүтлэлцэж байсны нандин дурсгал бөгөөд нүүдлийн уламжлалт соёл амьдран оршиж буйг батлан харуулах хосгүй өвийн гэрч юм. үргэлжлэл бий

"Орхоны хөндийн байгалийн цогцолборт газар" цааш унших »
ДӨ-ОХСДГ-Т БОСГОСОН ГЭРЭЛТ ХӨШӨӨ
Дэлхийн өв - Орхоны Хөндийн Соёлын Дурсгалт Газар" -т зориулсан Гэрэлт хөшөөг 2005 онд Хархорин хот дахь Эрдэнэ Зуу музейн дэргэд босгосон юм. Гэрэлт хөшөөний нүүрэн талд:    ЮНЕСКО-гийн Дэлхийн Өвийн Хороо "Дэлхийн байгалийн болон соёлын өвийг хамгаалах тухай" Конвенцийг үндэслэн ОРХОНЫ ХӨНДИЙН СОЁЛЫН ДУРСГАЛТ ГАЗАР-ыг Дэлхийн өвд бүртгэж, нийт хүн төрөлхтний тусын тулд өвлүүлэн үлдээж, хадгалж хамгаалбал зохих соёлын хосгүй бөгөөд түгээмэл ач холбогдолтой үнэт өв болохыг нотлов. үргэлжлэл бий

"ДӨ-ОХСДГ-Т БОСГОСОН ГЭРЭЛТ ХӨШӨӨ" цааш унших »
ДЭЛХИЙН ӨВ
ДЭЛХИЙН ӨВ
       Өв гэдэг нь өнгөрсөн үеэс бидэнд өвлөгдөн үлдсэн, одоо бидэнд байгаа, ирээдүй хойч үе маань түүнээс суралцаж, түүнийг гайхан биширч, сэтгэлийн таашаал авч байх үүднээс тэдэнд уламжлан үлдээж байгаа аливаа зүйлийг хэлнэ.
Дэлхийн өвийг:
1. Байгалийн өв
2. Соёлын өв
3. Холимог өв
гэж хуваан авч үздэг.
Соёлын өвийг дотор нь Биет өв, Биет бус өв хэмээн ангилдаг ба Биет өвийг дотор нь:
1) Үл хөдлөх өв
2) Хөдөлгөөнт өв
3) Баримтат өв гэж хуваадаг.
Соёлын биет өв гэж түүх, шинжлэх ухаан, урлаг, гоо сайхны үнэ цэнэ, ач холбогдлын үүднээс авч үзвэл онцгой гайхамшигтай үнэ цэнэ, ач холбогдол бүхий хүний бүтээн туурвисан дурсгалт зүйл болон дурсгалт газруудыг хэлнэ. Үүнд: үргэлжлэл бий

"ДЭЛХИЙН ӨВ" цааш унших »
(Нийт: 9)